| Terwyl William op toer was het hy een aand saam met ‘n vriend oor
die see staan en uitkyk waar sy vriend vir hom uitgewys het dat mens Mars
vanaf die aarde met die blote oog kon sien. Hierdie gesig het William
se denkwyse verander en hom meer in kontak met sy spirituele kant gemaak
wat verskeie snitte op Wentelbaan ook weerspieël. Sienende dat
Mars in die jaar 2003 die naaste aan die aarde se wentelbaan ooit sal wees
is dit baie van pas dat William sy nuwe CD Wentelbaan genoem het.
Wentelbaan is ‘n deurbraak in William Blackrose se loopbaan omrede hy
die hele produksie, meeste van die instrumente, skryf, komposisie en al
die agtergrondstemme op die album behartig het. William se musiek bestaan
meestal uit oorspronklike geskryfde snitte onder meer ‘n paar betekenisvolle
ballades, luistermusiek en ook heelwat lekker dansnommers.
Daar is verskeie lekker danssnitte op Wentelbaan soos Dansman, Angels
en Dixie. Daar is ook ‘n paar meningvolle ballades soos Broken Shoes
wat handel oor hoe dit sou wees om weer van voor af op jou lewensmaat verlief
te raak. Daar is sonder twyfel iets vir almal op die Wentelbaan CD
en kan geniet word op jou eie as ‘n individu of saam met die hele familie!
|
